ROTEIRO POLO BERRES DOS IRMÁNS VALLADARES

O sábado día 18 de febreiro, entre as 11.30h e 13.30h, terá lugar a actividade literaria ROTEIRO POLO BERRES DOS VALLADARES, unha actividade organizada polo departamento de Cultura do Concello na que colabora o programa de Radio Estrada "O RECUNCHO DA LINGUA" ademais de Pilar Bernárdez en calidade de presentadora e os actores Chelo do Rejo, Toño Pena e Gonzalo Valcárcel, dando vida a Avelina, Marcial Valladares e Manuel García Barros. O roteiro consta dos seguintes apartados:

 

-Saída en autobús dende a praza do Concello

-Recepción na igrexa parroquial de Berres ás 11.30h

-Actuación da Coral Polifónica de Berres

-Presentación a cargo de Pilar Bernárdez (O Recuncho da Lingua)

-Recital de Isabel Rey Sanmartín

-Ofrenda floral aos Valladares no cemiterio parroquial

-Recitado a cargo dos nenos Laura Bernárdez e Teo Cabaleiro

-Recepción en Vilancosta

-Saúda a cargo de Avelina e Marcial Valladares

-Conto de Avelina teatralizado por Toño Pena e Chelo do Rejo

-Saída cara ao Areal

-Recitacións de Manuel García Barros, Avelina e Marcial Valladares

-Actuación do trío formado por Pablo Bernárdez, Cibrán Seixo e Rubén Servide.

-Regreso en autobús á praza do Concello

 

Serán 30 prazas as que se habilitarán para poder asistir a este roteiro. Todas as persoas interesadas deberán anotarse no Departamento de Cultura do Concello da Estrada a partir deste mércores día 8. A actividade será de balde.