A señora de Forcadela - Os Quinquilláns
Evento Cultural
A señora de Forcadela - Os Quinquilláns
O día 12 de decembro ás 19.00 h no Teatro Principal da Estrada. Entrada de balde
DURACIÓN: 30 minutos
ELENCO: Tero Rodríguez e Lucho Penabade
VESTIARIO: Bety Busto
ADEREZO: Os Quinquilláns
ESPAZO SONORO: Orjais
TIPO DE MONTAXE
Montaxe teatral de pequeno formato, adaptable a diferentes espazos e dotacións técnicas, cunha actriz e cun actor e cun guión sobre memoria histórica creado a partir da biografía de Josefa García Segret e doutras mulleres represaliadas en Galiza a partir de xullo de 1936.
OS QUINQUILLÁNS
Compañía con máis de trinta anos de actividade teatral profesional adaptada a todo tipo de espazos e eventos: auditorios, casas da cultura, montaxes de teatro de rúa, cabalgatas, entroidos, montaxes históricas, apropósitos...
Ademais de continuar cos espectáculos de sala e de rúa, desde 2013 a compañía especialízase na creación de montaxes teatrais baseadas en feitos históricos para ser representadas en lugares emblemáticos e en celebracións de animación popular. Esta foi a compañía que organizou a posta en escena e a participación cidadá das dúas edicións do exitoso Banquete de Conxo en Santiago de Compostela.
